نفسك صاحبك/صاحبتك يلتزموا وربنا يهديهم ؟؟؟؟

السلام عليكم ورحمة الله وبركاته

نفسك صاحبك/صاحبتك يلتزموا وربنا يهديهم ؟؟؟؟ 91wk9

اكيد كلنا عندنا اصحاب كتير
واكيد فيه منهم الملتزمين والغير الملتزمين
بس المشكلة لما يبقى صاحبك مش ملتزم
بتبقى زعلان اوي علشانه وهتموت علشان يلتزم خاصة لو كان انسان محترم وجواه خير

نفسك صاحبك/صاحبتك يلتزموا وربنا يهديهم ؟؟؟؟ 91wk9

انا جاي انهاردة احكيلكم تجربتي مع الموضوع ده
وربنا يتقبل مني ومنكم

ليا صاحب من اعرفه من زمان من سنين
صاحبي ده محترم جدا وراجل جدا وخدوم وجدع وجواه خير كبير جدا
بس للاسف زيه زي معظم الشباب الشيطان ضاحط عليه شوية
مش في دماغه الدين للدرجة
يصلي شوية ويبطل شوية
بيسمع اغاني ويدخل سينما ويتفرج على افلام ويكلم بنات وهكذا
مقضيها يعني !

نفسك صاحبك/صاحبتك يلتزموا وربنا يهديهم ؟؟؟؟ 91wk9

وطبعا هتقولولي وليه مكلمتوش وامره بالمعروف ونهيته عن المنكر ؟؟
هقولكم ما هي دي الطامة الكبرى!
صاحبي ده مش بيقبل ان اي حد يكلمه في الدين
ولو اديته كتاب او اي ورقة مش بيقراها
ومش بيقبل انه يسمع شيوخ اطلاقا في التليفزيون او على الجهاز او على الموبايل
غلبت اني احاول افتح معاه الموضوع بس للاسف كانك بتنادي في مالطا !

نفسك صاحبك/صاحبتك يلتزموا وربنا يهديهم ؟؟؟؟ 91wk9

المهم..قدر ربنا اننا نجتمع مع بعض نذاكر قبل احد الامتحانات
وطول المدة اللي كنا مع بعض فيها كنت بحاول برده اني انصحه واكلمه ولكن مفيش فايدة!
لدرجة اني كنت بتخانق معاه هو وواحد صاحبنا كمان ساعة الاكل
كانوا هما بيبحبوا يشغلوا افلام ساعة الاكل وانا طبعا مش موافق
فكنت بقولهم اني هقوم اكل لوحدي لو مطفيتوش الفيلم فكانوا بيوافقوا مرغمين
ولكن لو جيت اشغل اي درس لشيخ كانوا بيعاندوا ومش بيرضوا خالص!!

نفسك صاحبك/صاحبتك يلتزموا وربنا يهديهم ؟؟؟؟ 91wk9

وسبحان الله ..كنت في الفترة دي بدأت اقرا كتير عن الدعاء واليقين في الدعاء
وده خلاني اكتر جدا من الدعاء وانا على يقين كامل من الاستجابه
فقولت في نفسي ..انا لازم ادعي لصاحبي ده واكتر من الدعاء له ان ربنا يهديه

نفسك صاحبك/صاحبتك يلتزموا وربنا يهديهم ؟؟؟؟ 91wk9

وكان اصحابي بيدخلوا يناموا الساعة 12 وانا بفضل الله وتوفيقه كنت بتوضا واروح صلي قيام الليل
وفي احد الليالي..صليت ما يسر الله لي ان اصلي ، ودعيت كتير وانا قلبي بيتقطع على صاحبي ان ربنا يهديه

وبعد ما خلصت الصلاة ، دخلت الاوضة وكان النور مطفي ،
ولسه بشيل المفرش علشان انام ؛ لقيت صوت بينادي عليا !!
انا انطربت !!
بصيت لقيته صاحبي اللي بحكيلكم عنه..
قولتله فيه ايه يا فلان ؟؟؟ ايه اللي صحاك دلوقتي ؟؟ ده انت بتنام سطيحة يا بني !!
قالي يا _______ أنا عايز اتوب ! انا عايز اتغير ! اتوب ازاي ؟؟

طبعا انا صعقت من الموقف !!
ايه ده ؟؟!!
استجابة فورية للدعاء بالشكل ده !!
قولتله هجاوبك على اسئلتك ،
بس انا عايزك تقولي الاول : انت ايه اللي صحاك دلقوتي ؟ وايه اللي خلاك عايز تتوب كده فجأة ؟؟
قالي معرفش ! بجد معرفش !

طبعا انا مصدقت انه قال انه عايز يتوب وقعدت اتكلم معاه لغاية الفجر
وكنت قاعد مذهول ، صاحبي فلان قاعد بيسمع كلام في الدين ومنصت وبيسأل ويستفسر ويتفاعل !!
ازاي الكلام ده !!

سبحان الله ..انا مكنتش مصدق نفسي الصراحة اطلاقا!

نفسك صاحبك/صاحبتك يلتزموا وربنا يهديهم ؟؟؟؟ 91wk9

وتاني يوم ، لما جينا ناكل ، لقيته بيقولي شغيلنا شيخ كويس كده نسمعه!!
قولت لنفسي : لا بقى ، كده كتير اوي !
ده مكنش بيطيق يسمع سيرة الشيوخ ، هو اللي يقولي شغلنا شيخ !!
شغلته الشيخ حسان ، وعجب بيه جدا
لدرجة انه على طول بقى يقولي شغيلنا الشيخ ده كل ما نقعد ناكل!

واداني الموبايل وقالي امسح كل الاغاني والصور وحطلي قران وحاجات كويسة

وبفضل الله بقى يصوم نوافل ويقرا ورد قران ويصلي قيام ليل كمان

انتهت قصتي ،،
وخلاصة الموضوع
ان الله على كل شئ قدير
مهما اخدت بالاسباب مع اصحابك علشان يلتزموا مش كفاية
لازم تدعي ربنا ، وعلى قدر اخلاصك في الدعاء ليهم وخوفك بجد عليهم
ربنا هيهديهم ويشرح قلوبهم للدين والالتزام
قال رسول الله صلى الله عليه وسلم :
(ما من قلب إلا وهو معلق بين إصبعين من أصابع الرحمن إن شاء أقامه وإن شاء أزاغه)

هذا ما اردت ان اقوله،
والله يقول الحق وهو يهدي سواء السبيل ،،
نفسك صاحبك/صاحبتك يلتزموا وربنا يهديهم ؟؟؟؟ 91wk9

منقول

اللهم اصلح حالنا جميعا

وردنا إليك رداً جميلا

وجنبنا الشيطان ولا تجعل له علينا سبيلا

جزاك الله خيراً لهذا النقل

ونفع به وبك

بارك الله فيك أختنا الكريمة

وأشكر لك مرورك الطيب

» هل أنت تقدر نفسك وهل تقدرك نفسك
» ابك على نفسك
» حاااسب نفسك
» إذا دعتك نفسك على معصية الله